Ծխելուց կփրկի պատվաստումը

Շուկայում հայտնվել է հերթական միջոցը նրանց համար, ովքեր փորձում են հրաժարվել նիկոտինային կախվածությունից: Այն ծխելուց հրաժարվելու պատվաստում է, որն արտադրվելու է Ռուսաստանում: Նոր պատրաստուկն ինչպե±ս է օգնելու ծխողներին մոռանալ դրա մասին:

Ծխելը ծայրահեղ կախվածություն առաջացնող սովորություն է: Շատերն իրենց փորձից գիտեն, եթե սկսել են ծխել, ապա այն թողնելը շատ դժվար է: Իսկ դրա  պատճառը նիկոտինի նկատմամբ օրգանիզմի հակազդումն է: Գլանակը վառելուց մի քանի վայրկյան հետո մարդը հաճույքի, հանգստության և, նույնիսկ, երջանկության զգացողություն է ունենում: Ճիշտ է, այդ հաճելի զգացողությունն այնքան էլ երկար չէ, ընդամենը 7 վայրկյան, սակայն այդ երաշխավորված  վայրկյանները կարելի է ստանալ յուրաքանչյուր պահի: Նման հաճույքից հոգեկան վիճակը դժվարությամբ է հրաժարվում, այստեղից էլ  բազմաթիվ այն խոչընդոտները, որոնք առաջանում են նիկոտինային կախվածության  դեմ պայքարի ժամանակ:

Դեղագործական միջոցների ժամանակակից շուկայի շրջանառությունը, որը կոչված է օգնելու ծխողներին (սպեղանիներ, մաստակներ և այլն), մոտավորպես կազմում է 4 մլրդ դոլար: Սակայն, հաշվի առնելով, թե ինչպիսի դժվարությամբ են մարդիկ հրաժարվում ծխելուց, այդ փողերն անհետ չեն կորչում: Դատեք ինքներդ. երկրագնդի վրա, որոշ հաշվարկներով, ծխում է 1 մլրդ մարդ, իսկ հրաժարվել ցանկանում է դրանց մոտ կեսը: Եվ, ցավոք, ոչ բոլորին է դա հաջողվում:

Վերջերս հայտարարվեց նոր միջոցի ստեղծման մասին  նրանց համար, ովքեր հեշտությամբ ցանկանում են ծխելը թողնել: Ռուս-ամերիկյան գիտահետազոտական ինստիտուտում աշխատանքներ են տարվում հականիկոտիանյին պատվաստման արտադրության համար: Պատրաստուկն աշխատում է հետևյալ սկզբունքով. դրա շնորհիվ արյան մեջ դրսևորվում են նիկոտինը կապող հակամարմիններ: Դրանք չեն թողնում, որ նիկոտինը թափանցի նյարդային համակարգ և, դրանով իսկ, «քանդում են» «ծխեցիր-ստացար հաճույք» կարծրատիպը:  Այդկերպ, ծխախոտից հրաժարվելն ավելի դյուրին կլինի, քանի որ այն կդադարի գլխուղեղի վրա սովորական ազդեցություն թողնել:

Պատվաստումը սինթետիկ է, այսինքն առանց կենսաբանական բաղադրատարրերի և մշակողների կարծիքով, այն պացիենտներին համար առավել անվտանգ է:

Հիշեցնենք, որ որոշ ժամանակ առաջ նմանատիպ պատվաստանյութի ստեղծման մասին հայտարարվել էր Շվեդիայում: Պատվաստանյութի ազդեցության սկզբունքը նույնն է. այն նպաստում է նիկոտինի նկատմամբ հակամարմինների արտադրմանը, արդյունքում նիկոտինի մոլեկուլները,  հակամարմիններով «շրջապատված», չեն թափանցում հեմատոէնցեֆալիկ պատնեշի` յուրատեսակ «գլխուղեղային ֆիլտրի» միջոցով:

Եվ, ընդհանրապես, նրանց համար, ովքեր ցանկանում են հրաժեշտ տալ ծխելուն, կարող են օգտվել նման միջոցներից: Սակայն շատ ավելի կարևոր է կամքի ուժ ունենալը, որպեսզի նիկոտինային կախվածությունից ազատվել առանց կողմնակի պատրաստուկներից:

Հարցեր, պատասխաններ, մեկնաբանություններ